Një moment i sikletshëm është vënë re gjatë samitit të G20-ës, mes presidentit Trump dhe homologut të tij argjentinas, Mauricio Macri.
Fillimisht Trump lëshoi në dysheme kufjet që iu dhanë për të kuptuar më mirë homologun argjentinas. Duket se ai u lodh duke mbajtur pajisjen në dorë, ndërsa pas veprimit ai tha se e kuptonte më mirë homologun përmes spanjishtes sesa përkthimit dhe se ata kanë qenë miq të mirë prej kohësh.
Një tjetër moment i sikletshëm u kap nga kamerat, teksa Trump takoi presidentin e Argjentinës, për t’u larguar më pas nga podiumi ku pritej të bëhej fotoja familjare e samitit në fjalë. Ndërkohë, homologu Macri duket i surprizuar dhe tenton ta kthejë mbrapsht Trump duke e thërritur por presidenti amerikan nuk do t’ia dijë.
