Pamje të frikshme janë publikuar nga mediat ndërkombëtare, që tregojnë një vrasëse gjakftohtë teksa qëllon me armë pesë të rinj.
Ngjarja ka ndodhur në Meksikë, në lagjen Sur në Minatitlan, ku vajza zbret nga motori dhe qëllon me armë pa iu dridhur qerpiku.
Identiteti i autores dhe viktimave nuk është bërë ende i ditur dhe vrasësja ka arritur të zhduket pas krimit.
Një burim anonim tha se ngjarja ndodhi në festën e një përvjetori martese, të një prej viktimave. Autoritetet mbërritën në vendngjarje menjëherë dhe të gjithë burrat u shpallën të vdekur.
Policët vijojnë investigimin për zbardhjen e ngjarjes së rëndë.
