Tenori i njohur Kastriot Tusha ka qenë i ftuar në emisionin ‘Pasdite’ në ‘Top Channel’, ku ka rrëfyer për të rejat në karrierën e tij dhe gjithashtu ka treguar për ngjarjet më qesharake që i kanë ndodhur gjatë këtyre viteve.
Sigurisht, ai nuk mund të linte pa përmendur ngjarjen e bujshme që ndodhi para një viti, kur gjatë premierës së një shfaqje operistike, një gazetare i kërkoi atij më shumë informacion, por nuk e njohu personazhin në fjalë.
“Ju jeni artist?”- ishte pyetja e gazetares për Kastriotin, që u përfol ngado.
I pyetur në lidhje me këtë, tenori është përgjigjur me sportivitet duke thënë se gjëra të tilla ndodhin.
“Jo të gjithë duhet të më njohin mua, por kur mbulon një fushë të caktuar duhet të jesh e përgatitur. Të tjera përgjigje kisha në tru e të tjera gjëra thashë. Pati reagime të shumta nga ajo video dhe nuk ishte mirë për vajzën”.
Katriot Tusha është tenor mjaft i njohur me një karrierë të gjatë artistike dhe aktualisht vazhdon të jetë profesor në Akademinë e Arteve në Tiranë.
