Ashtu si sezonet e tjera të verës, edhe këtë herë shumë pushues kanë filluar që të vizitojnë Shqipërinë.
Fillimi i këtij muaji ka shënuar fluksin më të lartë të këtij sezoni turistik në pikën kufitare të Morinës.
Të dhënat e policisë saktësojnë se mbi 15 mijë qytetarë nga Kosova, kanë hyrë në vendin tonë me destinacion bregdetin për të kaluar pushimet verore, në 24 orët e fundit.
Policia kufitare ka ngritur traun duke zbatuar procedurën e përshpejtuar me 6 sportele, për të shmangur radhët e gjata.
Sipas policisë kufitare, fluksi ka nisur që të premten në mbrëmje ndërsa të shtunën fluksi është shtuar pas orës dy pas mesnate. Ndërsa destinacionet e tyre kryesore janë Velipoja dhe Shëngjini.
Sipas agjencive turistike kosovare janë rritur kërkesat për të pushuar në plazhet shqiptare.
Ndërsa sot ka filluar të zbatohet patrullimi i përbashkët i dy policive Kosovës e Shqipërisë ne rrugën e kombit.
Patrullimi i përbashkët po realizohet me bashkëpunimin e Policisë së Kosovës me atë shqiptare duke u bazuar edhe në memorandumin e bashkëpunimit të firmosur nga autoritetet policore të të dyja shteteve për organizimin e shërbimeve të përbashkëta të policimit rrugor në Shqipëri gjatë sezonit veror.
https://www.facebook.com/tiranatodaycom/videos/315286502249427/
