Trajneri i Uellsit, ish-lojtar legjendar i Manchester United ka folur pas disfatës 0-1 ndaj Shqipërisë.
Ryan Giggs është shprehur se është i pakënaqur me rezultatin e ndeshjes, ndërsa ka fajësuar lojtarët për mungesë përqendrimi, gjë që sipas tij ka sjellë golin e Shqipërisë. Teksa komentoi humbjen, Giggs tha se ekipi i Uellsit mori atë që meritonte:
“Ishte një rezultat zhgënjyes sepse duhej ta kishim fituar atë ndeshje. Menduam se do të ishte e thjeshtë para se të vinte goli i parë dhe unë e nuhata atë, për shkak të përqendrimit të lojtarëve gjatë pjesës së parë. Ekipi e nënvlerësoi Shqipërinë, por në futboll nuk ka rëndësi se kundër kujt luan. Ne morëm atë që meritonim në fund të pjesës së parë. Lojtarët nuk po mbronin portën siç duhej dhe nuk po lëviznin topin ashtu siç ishin stërvitur. Ata e nënvlerësuan Shqipërinë, pasi ishin të vetëkënaqur. U duk sikur Shqipëria do të shënonte madje edhe golin e dytë. E turpshme që nuk arritëm të fitonim”, tha ndër të tjera Giggs./ TIRANA TODAY
