“Vdiq si hero”. Kështu e kanë quajtur mediat e huaja vdekjen tragjike të ofecirit të policisë franceze, nënkolonelit Arnaud Beltrame, 45 vjeç qe humbi jetën dje ne përplasjen me pengmarrësin ne supermarketin francez.
Medait e huaja kanë shkruar ditën e sotme se ofecieri u vetofrua në shkëmbim me njërin prej pengjeve dhe humbi jetën në spital, pa i mbijetuar dot plagëve të marra.
Vete presidenti francez Macron tha se ai vdiq si një hero i vërtetë dhe tregoi një kurajo të jashtëzakonshme.
Punonjësi i Xhandarmërisë franceze ndihmoi t’i jepej fund sulmit terrorist të një agresori të armatosur që kishte vrarë 3 persona të pafajshëm në një qytet jugor të Francës, përpara se të vritej nga policia.
Autori i identifikuar si 25-vjeçari Redouane Lakdim, u tha se ishe radikalizuar dhe gjatë pengmarrjes kishte deklaruar se ishte një ushtar i bindur i Shtetit Islamik.
Në total 16 persona u plagosën, dy prej të cilëve në gjendje të rëndë, në atë që Macron e përshkroi si një akt të “terrorizmit islamik”.
Ai kërkoi lirimin e Salah Abdeslamit, të mbijetuarit të vetëm e më të rëndësishëm të sulmeve të 13 nëntorit të vitit 2015 në Paris, nga të cilat humbën jetën 130 persona.
