Duket se presidenti i Serbisë, Aleksandër Vuçiç nuk e ka pritur pyetje me të cilën iu drejtua gazetarja nga Kosova, Nerënxa Jakupi, duke i shkaktuar atij siklet të madh.
Jakupi e ka pyetur presidentin serb se cilat janë kushtet që ka Serbia për njohjen e Kosovës si shtet. Pyetja iu drejtua Vuçiç gjatë një konference për media të mbajtur pas një paneli të Forumit të Sigurisë në Beograd.
Presidenti serb u përpoq të tregohej i ftohtë ndaj gazetares shqiptare, por nuk ia doli. Megjithatë, pavarësisht tendosjes në të cilën është ndodhur, Vuçiç është përgjigjur duke përsëritur qëndrimin se dëshiron kompromis me shqiptarët ku të dyja palët do të ndjenin dhembje.
Menjëherë pas kësaj, kur ai po merrte një pyetje nga një gazetar tjetër, presidenti serb po fshinte djersët duke dëshmuar se sapo kishte kaluar një moment të sikletshëm. Edhe pse pyetja iu bë në gjuhën angleze, ai është përgjigjur në serbisht, por gjatë konferencës është përgjigjur edhe në gjuhën angleze.
