Safet Gjici dha dorëheqjen sot nga posti i kryebashkiakut të Kukësit, pas publikimit të një video skandali seksual, ku ai shfaqej duke kryer marrëdhënie me një grua në zyrën e tij.
Ajo është shtetasja me inicialet A.K., 40 vjeçe, e martuar, me origjinë nga Berati dhe vendbanim në Durrës.
Gruaja është thirrur nga Struktura e Posaçme kundër korrupsionit dhe krimit të organizuar, për tu marrë në pyetje në lidhje me ngjarjen, pasi SPAK ka nisur tashmë hetim ndaj zotit Gjici.
Videoja ku shfaqet Gjici dhe vajza u bë virale në rrjetet sociale, më pas u shpërnda edhe në media.
Vete Safet Gjici pas publikimit te pamjeve dha dorëheqjen nga posti i kryetarit të bashkisë, ndërsa Qeveria njoftoi se kishte vendosur shkarkimin e tij nga detyra.
Prokuroria e Posaçme kundër Krimit të organizuar dhe Korrupsionit kishte rregjistruar ndërkohë një procedim penal ndaj Gjicit.
Safet Gjici kërkoi ndjesë publike ndaj “kujtdo që ka parë atë material të shëmtuar video”. Në postimin e tij, kryebashkiaku pranon se “prej disa kohësh kam një marrëdhënie intime me vajzën në fjalë”, duke shtuar megjithatë se “nuk ka asnjë justifikim për atë çfarë ka ndodhur, pavarësisht se i rënë në kurth”, shkroi ai.
