Pavarësia e Shqipërisë është uruar edhe në Parlamentin kanadez, në një mënyrë mjaft të veçantë. Ka qenë deputetja kanadeze Julie Dabrusin, ajo që ka uruar në shqip të gjithë shqiptarët për nder të ditës së pavarësisë.
“Sot është Dita e Pavarësisë së Shqipërisë”, ka thënë deputetja Dabrusin, ku në shqip ka thënë fjalën “Dita e Pavarësisë”.
“Pas pesë shekujsh nën pushtimin e Perandorisë Osmane, Shqipëria shpall pavarësinë më 28 nëntor 1912. Në këtë ditë, shqiptarët ngritën flamurin në Vlorë, ditë e cila prej atëherë njihet si ‘Dita e Flamurit”, deklaroi Dabrusin.
Në fund të fjalimit, Dabrusin ka uruar shqiptarët në gjuhën shqipe me fjalët: “Gëzuar Festën e Pavarësisë!”.
