Një fëmijë i vogël po lufton për jetën pasi është përplasur me forcë në dyshemenë e një aeroporti të Moskës nga një burrë 31-vjeçar bjellorus.
Një video shokuese tregon Vladimir Vitkov nga Bjellorusia, i cili punonte në Egjipt, duke e kapur fëmijën, duke e ngritur lart dhe duke e hedhur me forcë në dyshemenë e një terminali në aeroportin Sheremetyevo të Moskës. Djali kishte mbërritur në Rusi me nënën e tij nga Irani. Nënë e bir ishin larguar nga vendi për shkak të bombardimeve, sipas Daily Mail.
https://i.dailymail.co.uk/video/chromeless_closer.png
Yazdan, një vjeç e gjysmë, pësoi fraktura të kafkës dhe lëndime të shtyllës kurrizore. Vitkov ishte pushuar më parë nga puna në Egjipt pasi kishte dështuar në një test droge dhe alkooli dhe po kthehej në shtëpi nëpërmjet Moskës, sipas një miku të tij.
Sipas autoriteteve ruse, sulmuesi ishte nën ndikimin e drogës dhe thuhet se ka pranuar sulmin. Agjencia e lajmeve Mash raportoi se ai kishte pirë tre shishe uiski dhe kishte blerë kanabis në Kajro përpara se të sulmonte fëmijën.
Dr. Tatyana Shapovalenko, një mjeke që po trajton fëmijën në Moskë, tha: “Fëmija u shtrua në spital me një dëmtim të rëndë në kokë. Ai ka një frakturë të hapur të kafkës dhe një hematoma subdurale.”
