Gerti Shella, një drejtues i shoqërisë civile për të drejtat e njeriut, ka ndarë një shqetësim në rrjetet sociale sa i përket kostove të mëdha që shteti shqiptar paguan për të mbajtur në burg njerëz që fare mirë mund të hetoheshin duke qenë arrest shtëpie apo detyrim paraqitje.
Joana Duro, ish-sekretarja e Përgjithshme e Ministrisë së Shëndetësisë do të qëndrojë në burg pasi gjykata kundër korrupsionit rrëzoi një muaj më parë ankimin e masës së saj së sigurisë. Duro u akuzua se mori rryshfet 330 mijë lekë për të favorizuar kompaninë “DRICONS” për të marrë një tender në ministri.
“Sipas një përllogaritje të Këshillit të Europës për Shqipërinë, vlera e kostos së një burgosuri tek ne fiksohet në rreth 10 000 euro ne viti ose 28 euro në ditë. Duro ndodhet në burg që prej 5 qershorit 2023 dhe kosto e deritanishme ka shkuar ne 3360 euro. Kjo vlerë e tejkalon dëmin për të cilin ajo akuzohet.
Madje, kostot që rëndojnë mbi taksapaguesit shqiptare teksa kjo zyrtare mbahet pas hekurave janë më të mëdha se dëmi i saj për të cilin akuzohet. Dëmi i saj tek tenderi plus kostot e mbajtjes së saj në paraburgim, tani janë mbi 6600 euro…Ndërkohë, publiku vetëm paguan, dhe deri tani nuk ka asnjë reparacion konkret…Po ashtu, ma do mendja se vijojnë të mbahen me pagesa një zinxhir gardianësh, avokatësh, sekseseresh…
Sipas Raportit te te Drejtave te Njeriut te DAp për vitin 2022, rreth 54% e popullatës në burgjet shqiptare janë në pritje të gjykimit, pra prezumohen të pafajshëm. Sipas “Scan Intellience Unit” të KiE, në vitin 2020, Shqipëria shpenzoi 45.6 milion euro për administratën e burgjeve. Kjo do të thotë që rreth 24-25 milionë janë harxhuar për të mbajtur mbyllur pas hekurave njerëz që prezumohen të pafajshëm.
Eshtë për ardhur keq që Avokati i Popullit ka heshtur ndaj kësaj situate, që kompromenton arsyen e ndjekjes penale si dhe deformon situatën e të drejtave të njeriut teksa përdoren keq paratë e taksapaguesve.
Sa për GJKKO, që rrëzon çdo apel për ndryshim mase sigurie, koha ka ardhur të bëhen trima e të kundeshtojne arsyet statistikore të SPAK…Paraburgimi po ekuivalentohet me kohën e burgimit dhe ky është një skandal në vetvete, pasi teksa po përkon 99% te rasteve, lind e drejta për të pyetur nëse GJKKA dhe SPAK janë e njëjta trupë apo janë dy entitete të ndara. Nëse janë e njëjta trupë, të drejtat e atyre që akuzohen janë shkelur “për definicion” dhe këtu mbyllet argumenti” shkruan Gerti Shella.
