Ditën e sotme, në një dalje për mediat, nëna e Xhemal Lokës, vjehrra e 41-vjeçares e cila humbi jetën pasi piu fotoksinë, ishte në gjykatën e Durrësit, ku i biri ka dalë për vlerësim të masës së sigurisë.
Vjehrra mbrojti djalin, duke thënë se ky i fundit ia kishte falur postimin në Tik Tok, ku denigrohej fytyra e saj madje flet dhe për një shumë prej 40 mijë eurosh që kanë humbur në banesë.
“Faqen e hapi Kushërira e Bedrijes nga nëna, goca e tezes. Kështu thoshte Bedrija. Nuk ka thënë gjë Xhemali, ia fali edhe letkët ia fali. Bedrije Bushi ka fjetur mbi lekët e djalit tim”.
Sanije Loka, nëna e Xhemal Lokës, i cili është arrestuar se shtyu drejt vetëvrasjes bashkëshorten, thotë se kanë mare kërcënime nga vëllezërit e saj, se do te hakmerren.
Ajo shprehet se djali i saj s’ka lidhje fare me vetëhelmimin e 41-vjçares.
“Jam Sanije Loka, jam nëna e Xhemal Lokës. Për helmin që thonë se e ka helmuar Xhemali, nuk behët fjalë….në asnjë mënyrë. Djali im nuk ka pasur asnjë lloj shqetësimi me të. Helmin nuk ia ka dhënë djali im. Por gjeni kush ia dha, Ia dha i ati, apo nëna e vet? Dy herë ka pirë helm. Nuk ia dhamë ne. Pse na akuzojnë ne kot së koti. Dhe na përgojojnë”, tha ajo.
E pyetur nëse është e vërtetë se në shtëpi kanë humbur 40 mijë euro, për këtë nëna e Xhemalit u shpreh si vijon: “E vërtetë është. Ka nja 10 vjet. Ata e dinë vetëm ato dy, e di ajo se kush ia ka marrë, Bedrija ka pasur lekët për të vjedhur ia kanë vjedhur, por se kush nuk e di. Kur ka ardhur djali i ka thënë më kanë vjedhur lekët. Jo, nuk ka pasur gjë. Një ditë para, ata kanë pirë kafe te Arjan Loka, hapni kamerat dhe shikojeni, Arjanin e keni te rruga”, tha ajo.
