Një i ri humbi jetën në paraburgim, ndërsa ekspertët e Avokatit të Popullit kanë nisur hetimet për të gjetur shkaqet e këtij akti. Avokati i Popullit urdhëroi nisjen e hetimeve për ngjarjen e rëndë të pak ditëve më parë.
Ekspertët e Avokatit të Popullit, pas raportimit në media të dyshimeve të familjarëve të të riut për ushtrim dhune ndaj tij, do të bëjnë verifikimet e domosdoshme, në përputhje me kompetencat që i njeh ligji.
Ekspertët e Avokatit të Popullit do të kërkojnë informacione nga autoritetet drejtuese të IEVP-së së Shën Kollit, si dhe do të takohen me familjarët e të riut që humbi jetën. Në mënyrë që të zbulojnë shkaqet që e çuan të riun në vetëhelmim.
