Timo Verner nuk është grumbulluar me skuadrën e Leipzig, për transfertën e Dortmundit këtë fundjavë. Arsyeja mund të duket qesharake, por në fakt është e vërtetë.
Gazeta gjermane “Bild” shpjegon se sulmuesi gjerman do të mungojë prej “Murit të Verdhë”, siç njihet ndryshe edhe pjesa më e nxehtë e tifozëve të Borusias së Dortmundit. Ata cilësohen si shumë të zhurmshëm, dhe sulmuesi 21-vjeçar vuan sa herë ka zhurma të tilla gjatë ndeshjes.
Edhe me Beshiktashin në Ligën e Kampioneve, sulmuesi u hodh titullar në fushë, por u zëvendësua vetëm pas 30 minutash lojë pasi i cilësoi tifozët e Beshiktashit si shumë të zhurmshëm. Ai tha se ajo ishte arena më e zhurmshme ku kishte luajtur ndonjëherë. Një situatë e çuditshme kjo për Verner, që tashmë po kërkon një zgjidhje nga mjekët.
