Giampiero Ventura, ka dalë sot në konferencën që mbahet 24 orë para ndeshjes së dytë të fazës “play-off”, që zhvillohet përballë Suedisë në “San Siro”. Në ndeshjen e parë axurrët u mposhtën me rezultatin e ngushtë 1-0 dhe janë të gatshëm që të bëjnë përmbysjen në Milanno, për të siguruar një biletë për në finalet e botërorit “Rusi 2018”. Tekniku italian është shprehur optimist që do t’ia dalin dhe se ka gjetur censin se çfarë duhet të ndryshojë që lojës së mirë ti vijnë edhe golat. Ka kërkuar përqendrim sa më të madh nga lojtarët në këtë sfidë dhe të luajnë me zemër, zgjuarsi taktike e shpejtësi nëse duam të fitojmë.
“Ndryshe nga takimi në Suedi, do të ndryshojmë diçka dhe shpresoj që t’ia dalim e të marrim rezultat. Nuk ka nevojë për panik, sepse që kur u hodh shorti dhe ramë në një grup me Spanjën, e menduam që mund të ishim edhe në ‘play off’, kështu që nuk është diçka e papritur. Tani duhet të përqendrohemi dhe të bëjmë maksimumin për të përmbysur rezultatin.
Pas ndeshjes thjesht thashë që gjykimi mund të kishte qenë më korrekt, por ne jemi Italia dhe duhet ta meritojmë në fushën e lojës kualifikimin. Unë i dëgjoj të gjithë, por në fund vendos vetë dhe jam i bindur që nesër do të marrim rezultatin që duam. Për këtë nevojitet, zemër, zgjuarsi taktike dhe shpejtësi”, u shpreh Ventura.
