Suedia do të vazhdojë rrugëtimin në çerekfinalet e Botërorit pasi mposhti Zvicrën në fazën e 1/8-ve me rezultatin e ngushtë 1-0. Një ndeshje me ritëm të ulët dhe lojtarët dukeshin disi të lodhur dhe jo në formën më të mirë. Një devijim i qendërmbrojtësit Arkanji vendosi edhe fatin e këtij takimi.
Ndeshja filloi në ritme të larta, sidomos për suedezët të cilët dominuan në minutat e para, zviceranët fitojnë terren pak nga pak dhe fillojnë të shfaqen rrezikshëm tek porta. Të dy ekipet kërkonin që të zhbllokonin ndeshjen që në pjesën e parë dhe në këtë mënyrë shpenzuan shumë energji.
Suedezët edhe në pjesën e dytë duken më të ashpër dhe fillojnë edhe duelet fizike. Forca dhe mbrojtja e fortë e Suedisë ua bëri zviceranëve mjaft të vështirë punën kur afroheshin tek porta, pasi nuk mund të gjenin hapësira për të goditur. Në minutën e 66’ është Frosberg që godet fort nga jashtë zone, por një devijim i Arkanji rezulton fatal dhe portieri Sommer mbetet në vend duke shijuar golin.
Më në fund Zvicra zgjohet dhe del përpara. menjëherë fillon të jetë e rrezikshme me Embolo në të majtë. Por duket se energjitë i tradhtuan lojtarët zviceranë dhe për këtë arsye nuk mundën që të barazonin. Suedia do të presë të njohë kundërshtarin pas takimit të darkës mes Anglisë dhe Kolumbisë.
