Partizani ka fituar përballë Kastriotit në “Selman Stërmasi” falë një goli të shënuar në minutën e 13’ nga Jasir Asani. Takimi në minutat e mbetur në fraksionin e parë prodhoi raste dhe minuta lojë, por asgjë me rrezik për portierët e të dyja ekipeve. Pjesa e dytë nisi me vrull nga të dyja kampet, por nuk u shënua asnjë gol.
Skuadra e drejtuar nga Skënder Gega me këtë fitore arrin në kuotën e 6 pikëve, ndërsa krutanët mbesin në kuotën e 3 pikëve falë fitores në transfertën e vështirë në Gjirokastër.
Goli i Jasir Asanit on Vidnews.
Në javën e katërt, Partizani do të luajë në fushën e Laçit, ndërsa Kastrioti do të luajë në fushën e Kamzës. Java e tretë e Kategorisë Superiore do të mbyllet nesër me dy ndeshjet Kukësi-Tirana (16:45) dhe Teuta-Kamza (19:45).
Partizani: Hoxha, Ibrahimi, Gojkoviç, Belica, Kalari, Trashi, Hila (Bardhi 63′), Telushi, Mala, Asani (Kodra 70′), Hebaj (Mensah 54′). Trajner: Skënder Gega.
Kastrioti: Kuka, Husein, Lila, Stijepoviç, Domgjoni, Çutra, Shehu (Caca 54′), Mziu, Rogjer (Atsina 65′), Bardhi, Rahim (Vatnikaj 73′). Trajner: Elvis Plori.
