Rolando Zárate ka akuzuar vëllain e tij, Mauro, se “i ka ngulur thikën pas shpine”, pasi vendosir të lërë ekipin e fëmijërisë Velez Sarsfield, për tu bashkuar me Boca Junior. Ish-sulmuesi i Lazios, Interit dhe Fiorentinës, Mauro Zarate, aktualisht është në një lojtar i Watfordit dhe ishte në huazim tek Velez, klubi ku ai filloi karrierën.
Zárate, 31 vjeç, madje ka postuar fotografi në rrjetet sociale të veshur me një këmishë të Velezit, por kur ai u paraqit për të nënshkruar kontratën, ai i komunikoi klubit se po nënshkruante për Boca Juniors dhe mblodhi gjërat e tij, duke e lënë të shokuar vëllain dhe agjentin Rolando.
“Mauro më nguli një thikë në shpinë. Jam i shkatërruar”, tha vëllai për Fox Sports Radio. “Ai tradhtoi gjithë familjen dhe 40 vitet e historisë që kemi me Velez. Dua të qaj. Ne kemi lindur në Velez, jemi rritur në Velez dhe im atë ka punuar këtu për 40 vite”.
Mauro Zárate thuhet se zgjodhi Boca Junior sepse ai ndjeu se do t’i jepte atij një shans më të mirë për të përmbushur ëndrrën e tij të fëmijërisë duke luajtur për Argjentinën.
Ky vendim i tij ka bërë që shumë tifozë të shpërthejnë “zemërimin” e tyre në rrjetet sociale, ku nuk mungojnë as thirrjet për të djegur bluzën e Zarates me numrin 9 të Velezit.
