Gazetari Bledian Koka ka komentuar akuzat e Erion Veliajt ndaj prokurorit Olsi Dado, pas publikimit të një dokumenti ku kryebashkiaku pretendonte se Dado e kishte quajtur “Ndyrësirë” gjatë një seance në GJKKO. Megjithatë, zbardhja zyrtare e seancës e hodhi poshtë këtë pretendim, duke nxjerrë në pah atë që Koka e cilëson si një përpjekje për falsifikim të dokumenteve zyrtare nga Veliaj.
Në një reagim në rrjetet sociale, Koka e akuzoi ish-kryebashkiakun e Tiranës për mashtrim dhe manipulim të fakteve për interesat e tij. Ai thekson se dosja hetimore ndaj Veliajt përmban edhe mesazhe kërcënuese të dërguara ndaj oficerëve të policisë gjyqësore dhe prokurorëve të çështjes, me qëllim intimidimin e tyre. Sipas Kokës, ky akt e konfirmon Veliajn jo vetëm si të akuzuar për korrupsion, por edhe si një figurë me metoda mafioze për të ndikuar në procesin gjyqësor.
Në postimin e tij, Koka e përshkruan Veliajn si një person që nuk ngurron të falsifikojë dokumente për të manipuluar opinionin publik dhe procesin gjyqësor. Ai e cilëson këtë përpjekje si një dëshmi të mëtejshme të sjelljes së Veliajt për të mbrojtur veten nga akuzat që rëndojnë mbi të.
Postimi i Bledian Kokës:
Vesi i mashtruesit qe del me shpirtin!
Foto 1. Te gjithe ata qe po e ndjekin perballjen e Erion Velijat me drejtesine, u shokuan sot nga publikimi i radhes nga qelia e Durresit e ish kryebashkiakut te Tiranes, i cili publikoi nje version i cili na tregonte nje sjelljte te papranueshme (nese do te ishte e vertete) e prokurorit te ceshtjes!.
Foto 2. Ne nje situate te paprecedente, sot GJKKO ka publikuar zbardhjen zyrtare te perballjes mes personin ne hetim Erioj Veliaj dhe prokurorit te ceshtjes! Publikimi i regjistrimit zyrtar na tregon edhe njehere ate cka perfaqeson Erion Velija si qenie politike qe per interesat e tij eshte i gatshem qe te falsifikoje edhe dokumentat zyrtare!
3) Dosja hetimore ne ngarkim te te pandehurit Erion Velian ka te sanksionuar te zeze ne te bardhe edhe sms-te kercenuese qe kane mberritur ne adrese te OPGJ-ve te ceshtjes pos dhe vete prokurorit! Erion Veliaj eshte sot ne burg jo vetem si hajdut, por edhe se si nje mafioz model eshte angazhuar personalisht dhe jo vetem ne intimidimin e gjytareve, prokuroreve, OPGJ-ve dhe ajo cka eshte me e rendesishmja e deshmitareve te ceshtjes!
p.s…kjo eshte e verteta e cila u konfirmua sot dhe me aktin mafioz te Erion Veliajt per te manipuluar theniet e Prokurorit te Ceshtjes ne perballjen mes te dyve ne Gjykate!
