Gazetari, Genc Burimi, i ftuar në një emision televiziv, tha se kryeministri Edi Rama rrezikon pushtetin prej dosjes McGonigal.
Ai theksoi se nëse FBI do të vijojë të hetojë dosjen McGonigal atëherë Rama nuk mund të garojë dot për zgjedhje.
“SPAK-u është vetë i infektuar dhe mungon vetëm fotografia me Sorrosin.
Dan Bongino ka të njëjtën karrierë si Trump dhe Berisha. Bongino ka qenë vetë agjent i FBI-së, ai bëri libra ku tregonte për botën liberale. Gjithë shokët e tij në FBI gjatë kohës së administratës Obama, ja nxinë jetën e bënë dele të zezë. Ne kemi të bëjmë me Bongino dhe në këtë pamje, SPAK sapo të marrë një mesazh nga ai djalë do të vihet më shumë në aksion.
Për mendimin tim nëse amerikanët i fusin hundët në dosjen e McGonigal, është e mundur që Rama të largohet nga pushteti dhe ai të mos konkurrojë fare për zgjedhjet e 11 majit. Rama edhe pa qenë i gjykuar, vetëm nga Veliaj nuk duhet të rrijë më.“ tha Burimi.
