Shtetit Islamik thuajse ka marrë fund, por pasojat e asaj çmendurie ndjehen akoma. Një pjesë e luftëtarëve të ISIS dhe familjet e tyre duan të kthehen në vendet e tyre.
Mijëra gra, shpesh me fëmijë të vegjël, kanë mbetur në mes të katër rrugëve. Burrat e tyre u vranë në luftë dhe ato metën vetëm. Shumicën e këtyre grave i gjen në Siri dhe Irak.
Vejushat jetojnë në një lloj Purgatori. Pozita e tyre e pasigurt është rezultat i një çështjeje të komplikuar. Kthimi i luftëtarëve të huaj dhe familjeve të tyre është i vështirë. Ata mund të jenë të radikalizuar. Zyrtarët shfrytëzojnë situatën komplekse si taktikë për shtyrjen e zgjidhjes së problemit.
Media serioze evropiane “Politiko.eu” shkruan për rastin e njërës prej grave të mbetura vejusha, emri i saj është Sara. Ajo dhe fëmijët aktualisht jetojnë në kampin e refugjatëve të Shtetit Islamik të Roit në Sirinë veriore. Vejusha dhe fëmijët e saj shpresojnë që të kthehen në atdheun e tyre.
Sara u largua nga Bosnja për në Siri në mars të vitit 2015 me burrin e saj. Bashkëshorti i saj ishte një fundamentalist me të cilin Sara u njoh në internet.
Nëna e saj Lejla iu lut që Sara të mos shkonte. Mamaja ishte në radhët e para gjatë luftës në Bosnjë si një punëtore humanitare dhe e dinte se si dukeshin zonat e luftës.
“Unë u trondita kur më shkroi nga Siria. Mezi erdha në vete nga shoku kur ajo u martua, kjo ishte e paimagjinueshme”, thotë ajo.
Lejla është e shqetësuar nga situata në të cilën është vajza e saj. Ajo nuk mund të kontaktojë qeverinë boshnjake për ndihmë.
Rreth 300 vetë nga Bosnja dhe Hercegovina shkuan në fushat e betejës në Siri dhe Irak. Ata janë rekrutuar nga shumë palë, duke përfshirë predikuesit ekstremistë, fushatat video dhe rrjetet sociale.
Fenomeni lidhet edhe me historinë boshnjake të tërheqjes së mercenarëve të huaj. Gjatë luftës në Bosnje, kishte mes 1.800 dhe 3.000 të huaj, kryesisht nga Irani, Afganistani dhe vendet arabe. TIRANA TODAY
