Është përcaktuar dhe orari.
Të enjten në orën 10:00 ish-kryebashkiaku i Durrësit, Vangjush Dako do të dalë para gjykatës speciale.
Vendimi i Gjykatës së Posaçme ku i hapte rrugë ekzekutimit të masave të sigurisë ndaj 10 personave, shumica ish-funksionar të Bashkisë Durrës, teksa në krye të listës qëndron Vangjush Dako, Kryebashkiaku socialist që drejtoi Durrësin nga viti 2007-2019.
Vangjush Dako sipas SPAK ka shpërdoruar detyrën duke dhënë një leje ndërtimi në 2011 për një pallat, në lagjen nr 5, i cili u dëmtua nga tërmeti i 2019. Pallati kishte 4 kate pa leje dhe legalizimi i godinës është kryer në shkelje të ligjit. Leja është zbardhur dy vite me vonesë dhe legalizimi përfshiu dhe katet shtesë. Procedimi penal u regjistrua pas kallëzimit të bërë nga 46 banorët të prekur nga dëmtimi i pallatit.
Sipas SPAK në bashkëpunim me njëri-tjetrin ish-zyrtarët e Bashkisë, më në krye Vangjush Dakon kanë kryer brenda 7 muajve veprime të cilat do të duheshin vite. Në vendimin e GJKKO, evidentohen edhe veprime apo mos veprime nga kryebashkiaku i kohës Dako dhe ish-vartësit e tij, me dëm për taksapaguesit shqiptar në 180 milion lekë të vjetra.
Rasti i dytë i shpërdorimit të detyrës ka të bëje me një kallëzim për tenderin e shëtitores që sipas Kontrollit të Lartë të Shtetit dëmi llogaritej në 18 milionë lekë. Tenderi bëhet fjalë se është realizuar në vitin 2014 – 2015, me vlerë 22 mln lekë.
Ish kryebashkiaku së bashku me personat e tjerë të arrestuar janë marrë në pyetje nga SPAK në fazën hetimore. Dako ka qendruar mbi tre orë duke dhënë shpjegime para oficereve te byrosë kombëtare të hetimit.
Personat e arrestuar:
Vangjush Dako, ish-kryebashkiak i Durrësit
Adlei Likmeta, ish-drejtor i Urbanistikës në Bashkinë e Durrësit.
Ermal Lama
Fatmir Ejupi
Adriana Bulku
Fiqiri Farruku
Andand Toçila
Meri Semini (Priftuli)
Ferzilet Hajdëri
Diana Dedja
