Uragani Irma ka lënë pothuajse 4 milionë njerëz pa energji elektrike dhe ka shkaktuar vdekjen e pesë personave, pasi stuhia shkatërruese mbërriti në Florida me erëra të forta.
Irma u dobësua duke rënë në kategorinë 1, pasi goditi rajonin e Tampas në orët e para të mëngjesit, duke lëvizur me një shpejtësi prej 136km/h.
Pas orës 02:00, stuhia u përqendrua rreth 40 km në veri të Tampas. Irma erdhi si një stuhi e kategorisë 4, por ra në kategorinë 2 të dielën vonë, duke u dobësuar më tej ndërsa marshoi në brigjet e Gjirit të Floridës. Kjo është hera e parë në rreth 100 vjet që Tampa goditet nga uragani.
Më shumë se 170,000 vetë pritën në strehimore në të gjithë vendin, ndërsa Irma goditi bregun. Stuhia rrëzonte vinça, shkatërroi rrugë dhe la rreth 4 milionë njerëz pa energji të dielën.
Deri më tani janë raportuar se kanë vdekur 5 persona në Florida, por dyshohet se numri i viktimave është më i madh.
Gjashtë milionë njerëz u urdhëruan të largoheshin nga stuhia para se Irma të godiste në Florida Keys.
