Aktorja Eliona Pitarka ka ndarë me ndjekësit dy ditë më parë lajmin që është bërë nënë për herë të tretë, pa zbuluar gjininë e foshnjës.
Ndërsa dje, ajo zbuloi me një mesazh emocionues se është bërë sërish nënë e një vajze. Siç shkruan aktorja, ajo u kishte kërkuar mjekëve dhe mamive që të mos ia tregonin gjininë menjëherë pas lindjes, por ta vendosnin foshnjën në kraharorin e saj.
“Doja vetëm ta mbaja pranë zemrës, t’i merrja erën, ta ndjeja të gjallë…”, shkruan Eliona. Pas disa çastesh, e emocionuar, ajo e ngriti vetë dhe pa se çfarë kishte sjellë në jetë.
Një tjetër mrekulli, një tjetër dhuratë, që e bëri Elionën të konfirmojë me bindje: “Jam një mama vajzash. Universi nuk po bën më surpriza, vetëm po më konfirmon titullin: CEO e vajzave.”
I lashë një porosi mamive dhe doktorit para lindjes:
Ju lutem, kur të dalë, mos më thoni çfarë është…
Vetëm ma vendosni në kraharor. Dua ta zbuloj vetë. Dhe ashtu ndodhi. Kur ma vendosën në gji, nuk nxitova ta shihja.
Doja vetëm ta mbaja pranë zemrës, t’i merrja erën, ta ndjeja të gjallë dhe të falënderoja Zotin që më zgjodhi mua, për herë të tretë. Për dy minuta, koha u ndal. Ishte vetëm fryma ime dhe fryma e saj. Pastaj, ngadalë… e ngrita me duart që më dridheshin e aty, në mes të dritës, pashë që ishte… VAJZË.
Një tjetër mrekulli. Një tjetër pjesë e shpirtit tim. Një tjetër arsye për të besuar se Zoti më njeh më mirë se vetja ime. Në këtë dhomë materniteti u vulos përfundimisht ajo që zemra ime e ka ditur gjithmonë:
Jam një mama vajzash. Jam mamaja që shkon në maternitet me rozën në ADN.
Universi nuk po bën më surpriza, vetëm po më konfirmon titullin:
CEO e vajzave!
