United në telashe, sjellja e Sanchez të kujton “dështimin” Di Maria

Mediat britanike raportojnë se Manchester United është i frikësuar se Alexis Sanchez do të përfundojë si Angel Di Maria. Superylli kilian, 29-vjeçar, u transferua në janar tek United nga Arsenali dhe u bë lojtari më i paguar me 687 mijë euro në javë, por deri tani ka dështuar të ketë çfarëdo ndikimi në fushë.

Daily Mail raporton se Sanchez është figurë e izoluar tek United, shpesh shihet duke ngrënë i vetëm. Një burim brenda klubit ka thënë për tabloidin britanik: “Ai duhet si dikush që nuk dëshiron të jetë këtu. Asgjë nuk duket në rregull dhe ai duket si një djalosh i humbur. Njëjtë si pati ndodhur me Di Marian”, shtoi ai.

Di Maria iu bashkua Unitedit në vitin 2014 për një shumë rekord në Angli, 68 milionë euro, por dështoi t’i përshtatej jetës në “Old Trafford”. Pas vetëm një viti, ai u transferua në Paris Saint-Germain për 50 milionë euro.