Manchester City ka mposhtur Liverpoolin të enjten në mbrëmje, duke i shkaktuar humbjen e parë sezonale. Në fund të kësaj sfide ka ndodhur një episod qesharak, ku ‘viktimë’ ishte mbrojtësi, Benjamin Mendy. Ky i fundit mungon në fushat e blerta që nga nëntori për një problem në gjunjë.
Mbrojtësi francez, i veshur si tifoz, pa asnjë shenjë dalluese se është futbollist, sapo ka dëgjuar bilbilin e trefishtë të gjyqtarit ka hyrë në fushë për të festuar me shokët e tij.
Mendy found the video of him running on the pitch, pursued by stewards (nicked from his Insta) pic.twitter.com/FyUa6AEdi7
— Sam Lee (@SamLee) January 4, 2019
Por, fillimisht nuk u njoh nga një punonjës i sigurisë (steward), i cili e ka pandehur si tifoz dhe e ka ndjekur për disa metra për ta “neutralizuar”. Mendy, ende duke buzëqeshur, më pas bëri shaka në Instagram me Agueron, duke shkruar: “Unë të dua më shumë se gruaja jote”.
