Një autobus i linjës së “Unazës” është përfshirë sërish në aksident mbrëmjen e sotme në Tiranë.
Mësohet se autobusi është përplasur me dy makina në rrugën “Bardhyl”.
Nga aksidenti ka mbetur i plagosur njëri nga shoferët, icili ka pësuar dëmtime të lehta dhe është dërguar për në spital.
Nuk raportohet për të plagosur të tjerë.
Autobusët e linjës së “Unazës” janë përfshirë jo pak herë në aksidente apo incidente të ndryshme.
Në qershor shoferi dhe faturinoja i një prej autobusëve dhunuan një pasagjer dhe u proceduan nga policia.
Ndërkohë, kujtojmë se në shkurt të këtij viti urban i “Unazës” u përplas me nëntë automjete të “Ura e Tjavanit”, duke lënë të plagosur disa pasagjerë.
Gjithashtu vitin e kaluar urbani i së njëjtës linjë përfundoi në Lanë, duke tmerruar pasagjerët.
