Tensionohet situata në ditën e 25-të të protestës së banorëve të Astirit. Këta të fundit kanë prishur rrethimin e kantierit si dhe kanë rrëzuar blloqet e mëdha prej betoni të vendosura për projektin që parashikon prishjen e shtëpive dhe bizneseve tek Unaza e Re.
Me thirrjet “Unaza është e jona” dhe “Nuk na tremb dot Edvino”, banorët kanë marshuar të revoltuar duke prishur rrethimet e vendosura.
“Po punojnë natën si Enveri, kanë prerë pemët. Çdo gjethe është frymë e paguar nga taksat tona, o Erjon, o legen”, shprehet një banore e revoltuar.
Protestuesit kanë bllokuar prej 2 orësh të dy kahët e rrugës, duke mos lejuar qarkullimin e makinave.
Në protestë marrin pjesë edhe disa deputetë të opozitës.
