Ujësjellës Kanalizime Tiranë informoi sot se rrëshqitja e një masivi shkëmbor në afërsi të digës së Bovillës ka shkaktuar një defekt në tubin DN 900, i cili do të sjellë kufizime në furnizimin me ujë të pijshëm në disa zona të kryeqytetit.
Sipas UKT, zonat që do të kenë kufizime janë zona e Qendrës, zona e Laprakës, zona e 21 Dhjetorit, zona e Ish-Parkut, zona e Tiranës së Re, zona e Bllokut, zona e Yzberishtit.
Grupet e punës po punojnë me intensitet të lartë për rikthimin sa më të shpejtë të furnizimit normal.
UKT kërkon mirëkuptimin e banorëve të zonave të prekura.
Për çdo informacion, UKT i udhëzon qytetarët të kontaktojnë në numrin pa pagesë 0800 44 88, si edhe nëpërmjet aplikacionit Tirana Ime.
