Khabib Nurmagomedov jep parashikimin e tij për Conor McGregor Vs Dustin Poirier
Legjenda e MMA, Khabib Nurmagomedov ka ndryshuar çuditërisht parashikimin e tij për përballjen e ardhshme të UFC 264 midis Conor McGregorit dhe Dustin Poirierit.
Poirier, 32 vjeç, theu parashikimet duke arritur një fitore mahnitëse në raundin e dytë ndaj McGregorit në ndeshjen e dytë mes tyre në UFC 257, në janar.
Khabib, i cili më parë i ka mundur të dy, si McGregorin dhe Poirierin, parashikoi që rivali i tij i ashpër mund të fitonte në dy raunde.
Sidoqoftë, ylli rus i këtij sporti, 32-vjeçar, shtoi se Poirier do ta mposhtte McGregorin nëse ndeshja në UFC 264 do të kalonte përtej dy raundeve.
“Në fillim, është Conor. Por, në raundin e tretë, mendoj se Dustin mund ta mundë”.
Tani, Khabib ka ndryshuar pak parashikimin e tij dhe i bëri me dije McGregorit se ai duhet të kopjojë rezultatin e tij në UFC 178 për të fituar.
“Shqiponja” pretendon se McGregor mund të fitojë nëse ndalon Poirierin në raundin e parë, por ka zeruar shanset e tij nëse ndeshja shkon në raundin dy ose më tej.
“Nëse mbyllet në raundin e parë, unë do të thoja Conor,” i tha Khabib RT-së.
“Nga raundi i dytë e tutje, Dustin fiton.”
Nga ana tjetër, legjenda e UFC-së, Georges St-Pierre, mbështet McGregorin për një rikthim nga disfata e kaluar pikërisht ndaj “Diamantit”, Dustin Poirier.
Ylli kanadez 40-vjeçar parashikon që McGregor të fitojë në raundin e dytë me nokaut, duke thënë se “Notorious” bën shumë mirë në ndeshje revanshi.
