Ashtu si është lajmëruar ditët e fundit gjendja shëndetësore e Michael Schumacher ishte përmirësuar dhe ai kishte dalë nga koma, madje ishte në gjendje edhe të komunikonte. Këto deklarata janë konfirmuar edhe nga gazeta zvicerane ‘Blick’, e cila e ka shoqëruar gjatë transferimit të ambulancës nga spitali i Grenoblës në qendrën e rehabilitimit të Spitalit Universitar të Lozanës.
‘Blick’ shkruan se ish-kampioni legjendar i Formula 1 ishte i vetwdijshwm : “Ai pothuajse gjithmonë i mbajti sytë hapur, nuk fliste, por komunikoi me lëvizje të lehta”.
Personeli i transferimit duhej të dorëzonte telefonat celularë për të siguruar privatësinë maksimale. Sipas gazetës, Schumi, dukej se kishte humbur peshë.
Michael Schumacher po lufton me vdekjen që prej aksidentit të 29 dhjetorit të 2013, ku u përfshi në një përplasje me ski.
