E atëhere kur të gjithë mendonim se mes çiftit Getinjo dhe Vivien gjithçka po shkonte vaj, një lajm mbi ndarjen e tyre po qarkullon në media.
Ata u njohën brenda shtëpisë së Big Brother Vip Kosova dhe vazhduan lidhjen e tyre edhe jashtë saj. Udhëtonin bashkë, postonin foto të dy ku nuk mungonin as dedikimet për njëri-tjetrin, madje madje u tha edhe se Vivi është në pritje të ëmbël.
Por, si duket romanca e tyre nuk i’a doli të funksionojë më. Burime për mediat kosovare bëjnë me dije se çifti i ka dhënë fund. Për të përforcuar këto lajme u futëm edhe në llogaritë e tyre në Instagram ku vumë re se si Vivi dhe Geti kanë fshirë fotot me njëri-tjetrin, madje nuk ndiqen më as në këtë rrjet social.
Epo, të gjithë e dini që një “unfollow” ditën e sotme do të thotë shumë. Ndërkohë, lidhur me lajmet se Vivi ishte në pritje të ëmbël asnjëri nga të zotët e punës nuk reagoi dhe ngelën thjesht thashetheme koridoresh.
