Zyrtarë bullgarë dyshohet se kanë shitur mbi 100,000 pasaporta të rreme, shtetasve të cilët nuk janë bullgarë. Me anë të tyre shtetasit e vendeve që nuk janë në BE, kanë të drejtë të lëvizin lirshëm në Bashkimin Evropian.
Zyrtarët u kërkojnë aplikantëve nga Ukraina, Moldavia, Maqedonia dhe Shqipëria të paguajnë 4.445 euro për certifikatat e rreme. Ata marrin nënshtetësi bullgare me pretendimin se kanë origjinë të largët nga ky shtet.
Pasaportat
Ka pasur një rritje të kërkesave për shtetësi bullgare bazuar në certifikatat e lëshuara, që kur vendi u bashkua me BE në 2007.
Në sajë të lirisë së lëvizjes së BE-së kjo u mundësoi aplikuesve të rremë të jetojnë dhe punojnë në Mbretërinë e Bashkuar dhe vendet e tjera evropiane.
Në dhjetë vitet e fundit, u dhanë 115,000 pasaporta. Zyrtarët dyshonin se shisnin dokumentet të dyshimta të origjinës belge.
Shifrat, tregojnë se rreth 30 pasaporta të rreme lëshohen në një javë. Vetëm në 12 muajt e fundit, 10,000 njerëz nga Maqedonia, Ukraina, Serbia, Shqipëria dhe Moldavia morën shtetësinë e BE bazuar në dokumentet që pretendonin se kishin të paktën një paraardhës bullgar.
Fenomeni
Zyrtarët kanë paralajmëruar se shumica e njerëzve të cilëve u është dhënë shtetësia bullgare nuk kanë zgjedhur të qëndrojnë në vend dhe në vend të kësaj kanë vendosur të kalojnë në vendet më të pasura të BE.
Një hetim nisi për veprimtari të paligjshme pasi 114 kriminelë kaluan në BE-së. Lista e të kërkuarve nga Interpolit, rezulton që shumica të kanë pasaporta bullgare.
Ky fenomen thuhet se ka shkaktuar zemërim kombëtar dhe deputetët kanë bërë thirrje për hetim.
Peter Haralampiev, kreu i Agjencisë Shtetërore për Bullgarët jashtë vendit, u arrestua pasi akuzohet për përfshirë në “krimin të organizuar, falsifikimin dhe ryshfet”.
Komisioni Evropian ka nisur hetimet e veta për skemat e ashtuquajtura “pasaporta të artë”./Raporton: express.co.uk/Përshtati: Tirana Today/
