Në emisionin “Me Zemër të Hapur” në News 24 me autoren Evis Ahmetin u trajtua ngjarja e ndodhur në qytetin e Sarandës ku një 17-vjeçar u plagos me thikë nga bashkëmoshatari i tij.
Në një lidhje telefonike ka reagur edhe i mituri. Ai ka deklaruar se e njeh autorin por nuk shkojnë në të njëjtën shkollë. 17-vjeçari shtoi se ditën e ngjarjes autori i ishte afruar pas krahve dhe e kishte goditur.
Sipas tij, ai kishte tentuar të sqarohej se nuk kishte lidhje me vajzën në fjalë. Më tej ai theksoi se nuk kishte tregur për ngjarjen sepse ishte kërcënuar nga 18-vjeçari dhe se kishte frikë për familjen e tij. Ai tha se autori kishte komunikuar me mesazhe edhe me ish-të dashurën e tj dhe se vajza kishte trilluar githçka.
“Autorin e njoh, por nuk jemi të afërt. Nuk jemi në të njëjtën shkollë. Me vajzën në fjalë nuk kam lidhje. Në datë 22 mars kam qënë duke ecur me shokët në rrugë dhe në atë moment ajo më buzëqeshi. Pak minuta më vonë, ai erdhi pas krahe dhe më goditi. Unë u mundova ta sqaroja se nuk kisha lidhje me të por nuk më dëgjoi. Unë nuk kam treguar për sherrin në datën 22 mars sepse më kërcënuan për familjen. Pasi dola nga e dashura ai më preu rrugën dhe më goditi. Ai i ka dërguar sms gjithashtu ish-të dashurës time.
Unë nuk kam pasur thikë me vete. Në atë moment gjeta dy shkopa në tokë dhe e godita. Ai më thonte se e mori hakun. ” tha ai
