Vetëm paraditen e sotme u njoftua se ndërpreu me marrëveshje kontratën me Flamurtarin, por tashmë mesfushori Alessio Hyseni është shumë pranë nënshkrimit me një tjetër klub të Superiores.
Hyseni ishte shumë pranë Luftëtarit, ku do të gjente ish-trajnerin e tij, Gentian Mezanin, me te cilin ka punuar edhe në Vlorë. Por gjërat kanë ndryshuar dhe Hyseni do të luajë për Partizanin në vazhdim. Bisedimet kanë avancuar me lojtarin dhe pritet që palët të nënshkruajnë gjatë ditës së nesërme kontratën e bashkëpunimit.
Hyseni, i cili është rritur në Itali, erdhi këtë verë te Flamurtari dhe fillimisht luajti si titullar, por me kalimin e kohës e humbi këtë status në hierarkinë e trajnerit Ilir Daja.
Pikërisht për këtë arsye, mesfushori 22-vjeçar kërkoi ndërprerjen e bashkëpunimit me Flamurtarin dhe tashmë do të kërkojë të riniset nga Partizani, me të cilin do të synojë titullin kampion.
Partizani duket se po u beson më shumë lojtarëve me perspektivë. Sot ka firmosur dhe është prezantuar Jusufi, ndërsa tani radhën e ka Hyseni.
