Këshilli Drejtues i RTSH-së ka anuluar vendimin në shkelje të ligjit për të skualifikuar 8 kandidatët për drejtor të institucionit. Këshilli Drejtues disa ditë më parë vendosën që të skualifikonin nga gara për drejtues të RTSH-së të tetë nga 10 kandidatëve që kishin aplikuar.
Ditën e sotme është zhvilluar një mbledhje urgjente nën drejtimin e nënkryetarit Gëzim Podgorica dhe u vendos që gara të rikthehet nga fillimi. Ndërkohë që Komisioni i Medias kërkoi ditën e djeshmendërprerjen procesin e zgjedhjes së drejtorit të përgjithshëm.
Pak ditë më parë me anë të një votimi të paligjshëm, shumica e kandidatëve, u skualifikuan nga gara. Ky vendim është përballur me kritika të shumta nga mediat, gazetarët si dhe nga vetë politikanët. Kuvendi me një propozim të përbashkët mes PD dhe PS paralajmëruan masa drastike për Këshillin Drejtues nëse nuk do ta rikthente garën në televizionin publik.
