Policia e Uellsit ka zbuluar një shtëpi bari që ka çuar në arrestimin e tre shqiptarëve, të cilët janë pronarët e kultivimit të kanabisit. Bëhet fjalë për Njazi Gjanën (27 vjeç), Ervin Gjanën (24 vjeç) dhe Armeld Troski (29 vjeç). Vlera e kanabisit të sekuestruar arrin në 620 mijë paund.
Dy nga personat, Njazi dhe Ervin Gjana, u dënuan me nga dy vite e gjashtë muaj burg, ndërsa Armeld Troski u dënua me tre vjet e katër muaj.
Policia e Dyfed-Powys ka kryer kontroll në një ish-shkollë fillore më 15 nëntor 2024 pas dyshimeve të raportuara nga publiku për aktivitet të paligjshëm atje. Gjatë inspektimit, u gjetën sasi të mëdha kanabisi të fshehura në tre katet e ndërtesës, e cila ishte modifikuar për të fshehur drogën.
Dy nga të arrestuarit, Njazi dhe Armeldi, u kapën në vend, ndërsa Ervini u arratis dhe u gjet pas përdorimit të një droni dhe kontrollit fizik. Të tre shqiptarët u akuzuan për prodhimin e një droge të klasit B dhe u shpallën fajtorë në Gjykatën e Kurorës në Swansea.
