Në kuadër të megaoperacionit ‘Tempulli’ u kapën në flagrancë dy rinj në një berberhane në lagjen nr. 6 në Kavajë me një sasi kokaine për qëllime shitje.
Policia e Durrësit në bashkëpunim me Prokurorinë vunë në pranga pronarin e berberhanes dhe një shtetas tjetër të dy 28 vjeç, Xh. Ll dhe M. S, banues në Kavajë.
Në cilësinë e provës të rinjve iu sekuestruan një sasi kokaine, e ndarë në doza, gati për shitje, si dhe 1 peshore elektronike dhe 4 celularë.
Materialet procedurale i kaluan Prokurorisë, për veprime të mëtejshme.
