Një 33-vjeçar shqiptar, i identifikuar si Paulin Kqira është arrestuar nga policia britanike në një ‘shtëpi bari’ në Hull të Anglisë.
Sipas mediave angleze, Paulin Kqira ishte punësuar nga një person tjetër, ende i paidentifikuar, për t’u kujdesur për bimët e kanabisit kundrejt një pagese prej 2 mijë paundësh.
Mësohet se i riu shqiptar u gjet brenda banesës, ku ndodheshin dhjetëra rrënjë kanabisi, mjete për rritjen e bimëve narkotike dhe lëndë narkotike gati për shitje.
Paulin Kqira, i cili kishte mbërritur në Britani në mënyrë ilegale, ka pohuar para autoriteteve se u përfshi në këtë veprimtari pasi një person të cilin e njihte vetëm si Romeo, i kishte ofruar punë jashtë një lokali.
Ai pohoi se nuk e mbante mend se në cilë pijetore ishte dhe se mendonte se do të bënte punë legjitime për 2000£.
Ndërkohë drejtësia britanike vendosi që Kqira të dënohet me 16 muaj burg, dhe më pas të depërtohet drejt Shqipërisë.
