Një 24-vjeçar shqiptar është arrestuar me 8 muaj burg pasi u kap brenda një shtëpie të përshtatur për kultivimin dhe rritjen e kanabisit. Bëhet fjalë për 24-vjeçarin, Mustafa Likalla.
Sipas autoriteteve, i riu shqiptar u gjet i fshehur në papafingo, brenda një shtëpie me katër dhoma gjumi, e cila ishte shndërruar në një fabrikë kanabisi. Ai pretendoi se ishte mbyllur aty me ushqim dhe ujë dhe ishte lënë të kujdesej për rreth 154 bimë kanabisi, të cilat mendohet se kanë një vlerë prej rreth 1,000 £ secila.
Likalla ka dëshmuar para gjykatës se kishte marrë kërcënime ndaj familjes së tij për një borxh të madh dhe ishte nën presion, i detyruar dhe i frikësuar. Nga ana tjetër, avokati i tij tha se 24-vjeçari nuk ka luajtur ndonjë rol të rëndësishëm, as nuk ka pasur ndonjë ndërgjegjësim apo kuptim për përmasat e operacionit.
Megjithatë, Mustafa Likalla mori dënimin me burg pasi u deklarua fajtor për një vepër penale të prodhimit të kanabisit.
