Ervis Kurti, i cili u shoqërua mbrëmjen e djeshme në polici për akuzën se ndihmoi Habib Rexhën të largohej nga vendi i ndarjes pas vrases së Arjan Gosës, ka mohuar të ketë dijeni për ngjarjen.
Kurti u arrestua pas dëshmisë së autorit, Habib Rexha, i cili tha se në makinë ishte me mikun e tij, por duke thënë se ai nuk kishte dijeni për ngjarjen.
Pas dëshmisë menjëherë Kurti u arrestua për veprën penale “Përkrahja e autorit të krimit”.
“Krimin e kreva pa e menduar, e pashë dhe e vrava. Isha përballë kafenesë, në një kancelari, kur kam parë Arian Gosën në kafene me babain e tij. U largova 300-400 metra, parkova makinën dhe u nisa në drejtim të lokalit në këmbë. Nuk isha duke e ruajtur.
E pashë rastësisht dhe veprova nga gjaknxehtësia. Në makinë isha me një shokun tim. Armën e mbaja me vete. Shoku nuk ka qene në dijeni. Dhe po me shokun jam larguar në fillim drejt Durrësit e më pas në Kukës. Vendosa të vetëdorëzohesha me kërkesë të babait tim në bashkëpunim me policinë”, deklaroi Rexha në polici.
Kujtojmë që Habib Rexha u vetëdorëzua në polici pasditen e djeshme, pasi tre ditë më parë ekzekutoi me armë zjarri, Arjan Gosën.
