Këto janë pamjet e zjarrit që përfshiu në rrethana ende të paqarta 5 kazanët e plehrave në qytetin e Elbasanit.
Ngjarja ndodhi mbrëmjen e sotme (4 Shkurt), teksa zjarrfikësit të lajmëruar nga qytetarët, vepruan me shpejtësi duke i shuar pas shumë minutash aksioni. Era e keqe dhe tymi pushtoi zonën përreth.
Dëmet e shkaktuara janë materiale, teksa të pesë kazanët dallohet qartë se janë dëmtuar nga zjarri. Policia pritet të hetojë rrethanat, nëse ka qenë vetëndezje e plehrave apo një akt i qëllimshëm dhe kriminal.
