Donald Tusk pas takimit me presidentin Ivanon është shprehur se Maqedonia s’ka alternativë tjetër përpos BE-së, dhe zgjidhjen e krizës politike do të duhet ta gjejë vetë Maqedonia.
“Vij me një porosi të fuqishme nga liderët dhe institucionet e BE-së, perspektiva juaj është e padyshimtë. Ju mbetet juve që të gjeni zgjidhjen për krizën politike, bazuar në demokraci. Vetëm një zgjidhje e tillë do të jetë e qëndrueshme”, është shprehur Tusk.
“Kur ta gjeni zgjidhjen (për zhbllokim të proceseve demokratike) do të mund të konsideroni mbështetjen tonë”, është shprehur Tusk.
Zyrtari i BE-së ka falënderuar Ivanovin për ndihmën që ofroi Maqedonia në krizën e refugjatëve dhe, në fund, i ka bërë me dije se nuk do ta ketë mbështetjen e BE-së, derisa të gjendet zgjidhja e duhur për kalimin e krizës politike.
