Pas deklaratave të Kotzias për zgjerim të vijës bregdetare greke nga 6 në 12 milje, vjen reagimi i Ankarasë. Kjo e fundit i është kundërvënë Athinës duke bërë të qarët se nuk do të lejojë zgjerimin e ujërave greke në asnjë pjesë të detit, as në Jon dhe as në Egje.
Ka qenë ministri i Jashtëm turk, Mevlut Cavusoglu ai që bëri këtë deklaratë, teksa e konsideroi njoftimin me qëllim shkaktimin e tensionit.
“Greqia bën shpesh njoftime të tilla për të shkaktuar tensione, apo në një kornizë populiste. Populizmi për ta është e vërteta. Kjo kërkohet edhe nga opinioni publik. Në rastin tonë, qytetarët bazohen te logjika. Ne jemi në favor të një zgjidhjeje paqësore të problemeve ekzistuese mes Greqisë dhe Turqisë. Ne nuk preferojmë tensione. Por, nëse Greqia përpiqet të na provokojë, ne reagojmë në mënyrën e duhur dhe i ndalim. Parlamenti ynë e ka thënë fjalën përfundimtare në lidhje me 12 miljet detare dhe ajo është në fuqi. Greqia duhet të marrë në konsideratë nëse do ta zgjidhë këtë çështje mes diplomacisë, apo nëse ne duhet ta zgjidhim atë ndryshe”, tha Cavusoglu.
Jo vetëm kaq, por ministria e Jashtme turke ka thirrur edhe ambasadorin grek në Ankara, Petro Mavroidis, për të dhënë sqarime.
Nga ana e qeverisë shqiptare nuk ka pasur ende një reagim zyrtar lidhur me deklaratën e ish-ministrit të Jashtëm turk.
