Ndeshja mes Vllaznisë dhe Dinamso duhej të ishte hapi i parë i kuqebluve drejt kthimit të titullit kampion në Shkodër. Por përkundrazi, është kthyer në një makth për mbështetësit e skuadrës kuqeblu.
Ata kanë parë skuadrën e tyre të mundet 2-0 dhe të shohë t’i largohet ndjeshëm mundësia për të siguruar trofeun që u mungon prej 25 vitesh. Ndaj me vërshëllimën përfundimtare të gjyqtarit Lata, kanë shpërthyer edhe vërshëllimat nga tribunat drejtuar ekipit.
Një pjesë e tribunës ballorë, ka filluar me koret “Turp, turp, turp!”, drejtuar lojtarëve që po ecnin drejt tyre.
Koret e tjera “ik, ik, ik”, duke u bërë me shenjë futbollistëve që të mos afroheshin, bënë që Balaj & Co. të shkonin direkt te grupimi “Vllaznit Ultras” pas portës për t’i përshëndetur.
