Aktorë të fushës së kujtesës që merren me përballjen e shoqërisë shqiptare me të shkuarën komuniste, kanë bërë thirrje që shteti të muzealizojë, vendet ku viktimat e diktaturës vuajtën, jo vendet ku jetuan persekutorët komunistë. Thirrja vjen 35 vjet nga rrëzimi i shtatores së Enver Hoxhës.
Aktorë të fushës së kujtesës që merren me përballjen e shoqërisë shqiptare me të shkuarën komuniste, kanë bërë thirrje që shteti të muzealizojë, vendet ku viktimat e diktaturës vuajtën, jo vendet ku jetuan persekutorët komunistë. Në kuadër të Ditëve të Kujtesës, ndërsa shënohet 35 vjetori i rrëzimit të shtatores së Enver Hoxhës, thirrja është e qartë.
Tryeza mbi muzealizimit bashkoi me institucionet shqiptare, edhe përfaqësues të atyre ndërkombëtare, që vunë në dukje detyrimin e shtetit shqiptar për të gjetur vendvarrimet e viktimave dhe për t’i shënuar ato.
Ditët e Kujtesës, organizuar nga Instituti për Demokraci, Media dhe Kulturë dhe Fondacioni “Konrad Adenauer”, prej 10 vitesh kanë mbajtur aktivitete, që synojnë përballjen e shoqërisë me të shkuarën, botimin e librave, realizimin e filmave dhe projekteve artistike që adresojnë problematikat e bartura.
