Ministri i Brendshëm Taulant Balla, ka zhvilluar sot një takim me administratorët e shkollave dhe drejtoritë e transportit, për të diskutuar në lidhje me reformat që do të ndërmerren për sigurinë në ambientet e shkollave në të gjithë vendin.
Në fjalën e tij, Balla u shpreh se duhen shtuar masat në shkolla për një mbarëvajtje të procesit mësimor. Ndër të tjera, ai u vuri theksin tek goditja e grupeve që shpërndajnë lëndë narkotike pranë shkollave.
“Unë e kam ndarë mendjen që tua nxijmë jetën spacatorëve. Këtë nuk ma luan dot njeri nga mendja. Dhe dua që këtë përpjekje të madhe, shumë kanë thënë që është e vështirë, është lehtësisht e arritshme, nëse bëhemi bashkë, një koalicion kundër përdorimit të lëndëve narkotike nga të rinjtë.
Të bëjmë historinë tonë të suksesit në Tiranë dhe në të gjithë Shqipërinë. Ju uroj një vit shkollor të suksesshëm. Falenderoj kryetarin e bashklise dhe të gjithë.”- u shpreh Balla.
