Janë gjetur pjesë të trupit të pajetë të gazetarit të vrarë saudit, Jamal Khashoggi. Ato janë gjetur këtë të martë në kopshtin e Konsullatës së Përgjithshme të sauditëve në Stamboll.
Ky njoftim është raportuar së fundmi nga hetuesit turq që po hetojnë çështjen pasi siguruan të drejtën për të hyrë në mjediset e selisë diplomatike saudite. Trupi i tij është prerë në copa dhe është varrosur pjesë-pjesë.
Thuhet gjithashtu se fytyra e tij është shpërfytyruar. Ky njoftim vjen vetëm pak orë pasi presidenti turk, Recep Tayyip Erdogan kërkoi të dinte të vërtetën. Ai tha se dua të di “ku fshihej trupi” dhe se “cilët fshiheshin pas vrasjes”. Presidenti mbajti një fjalim publik përpara anëtarëve të partisë së tij në pushtet.
Gjithashtu, CNN publikoi më herët pamjet e kamerave të sigurisë, që tregonin se gazetari Khashoggi kishte hyrë në Konsullatë, ndërsa një tjetër person kishte dalë prej andej, me veshje të njëjtë me gazetarin, por me këpucë të ndryshme./Tirana Today/
