Presidenti Donald Trump paralajmëroi se ushtria amerikane nuk do të hezitojë të qëllojë me armë emigrantët. Ushtria nuk do hezitojë të qëllojë ndaj emigrantëve që hedhin gurë ndaj tyre në kufi.
Deklaratën, Trump e bëri nga Shtëpia e Bardhë. Ai shpalli edhe planin e tij për të ashpërsuar masat e dhënies së azilit për të dekurajuar fluksin e azilkërkuesve.
3 karvanë me mijëra emigrantë nga vendet amerikano-latine po udhëtojnë drejt Shteteve të Bashkuara dhe aktualisht ndodhen në jug të Meksikës.
Autoritetet meksikane raportuan për disa incidente gjatë përpjekjeve për të ndaluar hyrjen e emigrantëve në kufirin e tyre nga Guatemala.
Disa policë të të dy vendeve u plagosën pasi turma emigrantësh qëlluan me gurë e shishe në drejtim të post-blloqeve kufitare.
