Presidenti Donald Trump i është ‘sulur’ ish Zonjës së Parë, Michelle Obama pasi kjo e fundit deklaroi se nuk do ta faltë kurrë atë për teoritë konspirative që përhapi lidhur me lëvizjen e Obamës “birther”.
“Ajo mori një mal me para për të shkruar një libër dhe sigurisht që ata presin disa polemika në brendësi”, akuzoi Trump.
“Po të kthej një polemikë mbrapsht. Unë nuk do ta fal kurrë ish-presidentin Obama për atë që i bëri ushtrisë sonë amerikane. Ishte e boshatisur dhe m’u desh ta rregulloja. Ajo që ai bëri me ushtrinë amerikane e bëri këtë vend shumë më të pasigurt për ty, për ty dhe për ty”, tha Trump duke iu përgjigjur akuzave të Michelle.
Ajo shkroi në librin e saj që nuk do ia falte kurrë Trumpit që në mënyrë të rremë pretendoi se Barack Obama nuk kishte lindur në SHBA. Ajo shkruan se roli i Trump në përhapjen e të pavërtetave e vë familjen e saj në rrezik.
